1.
Songon na patiop-tiop aek di bulung ni suhat, ahu marmudu-muduhon ho
Nang di tingki sihaetehonmu
Sahat tu na magodang ho amang
Ahu na pasari-sari ho
Hubolus do na hansit, na parir, nang na bernit pasingkolahon ho
Anggiat ho hasea haduan
2.
Dungkon sae singkolam di huta
Hupaborhat do ho, borhat tu parjalangani
Marhaposan ahu tu tangiangku
Tangiangku mardongan ilungki
Holongku maranakhon i
Dok-dok di rohangku, dao sian lambungku, hutaon do I amang
Na lao ngolum-ngolum do haduan
Reff 1.
Hape so sian panagamanki
Songgot do ro baritami
Na paboahon ho lao mangoli
Pangidoanmu tongosonku do
Sude tu na hombar tusi
Tutur pinangidom hu tongos do
Sindor tano maraek
Suda tano mahiang
Tungkis ma dohot puro
Tolap ni gogokhi hubahen do
Mangoli do ho sian na denggan
Reff 2.
Nga tung mansai leleng amang
Tung so hear o baritam
Sungkun-sungkun do rahangki amang
Barita ni pahompuki amang
Nang dohot parumaenki
Boha do i nuaeng parngoluonna i.
Unang ma ho tarlupa
Lao paboa barita
Ajari pahompuku
Ajari ma amang manjou ompung
Masihol ahu tu pahompuki.
No comments:
Post a Comment